2021 жылғы 18 наурызда Халықаралық Инженерлік академияның жалпы жиналысының Сессиясы өтті. Жиналыста академияның 2016-2021 жылдардағы ғылыми, инженерлік және инновациялық қызметінің қорытындылары талқыланды, сондай-ақ Халықаралық Инженерлік академияның Президентін, вице-президенттерін, Президенттер кеңесі Бюросының (Төралқасының) мүшелерін сайлау өтті.

Халықаралық Инженерлік академияның президенті, академик Б. В. Гусев баяндама жасады.

Жиналысқа әлемнің 40 елінен 339 академик қатысты.

ХАА Президенті болып көрнекті ғалым, академик Борис Владимирович Гусев сайланды.

Халықаралық Инженерлік академияның бірінші вице-президенті болып ҚР Ұлттық Инженерлік академиясының президенті, белгілі ғалым – математик, техника ғылымдарының докторы, профессор, академик, Қазақстан Республикасы Мемлекеттік сыйлығының лауреаты, «Қазақстанның еңбек сіңірген ғылым қайраткері» Бақытжан Тұрсынұлы Жұмағұлов сайланды.

ҚР ҰИА баспасөз орталығы