2024 жылғы 17-19 мамыр аралығында Түркі әлемінің математикалық қоғамы (Turkic World Mathematical Society, TWMS) Самарқанд қаласында, Шараф Рашидов атындағы Самарқанд мемлекеттік университетінің базасында TWMS Басқарма мүшелерінің көшпелі отырысын өткізеді.

Ғылыми форум әлемдегі ең көне қалалардың бірі Самарқандта өтеді. Бұл өзбек қаласының тарихы 2750 жылдан асады, яғни Рим мен Афина қалаларымен қатарлас.

Көшпелі отырыс көрнекті ғалым, профессор, Қазақстан Республикасы Ұлттық Инженерлік академиясының президенті, Түркі әлемі математикалық қоғамының президент,і академик Бақытжан Тұрсынұлы Жұмағұловтың төрағалығымен өтеді.

Көшпелі отырыстың негізгі мақсаты ғалымдардың халықаралық байланыстары мен ғылыми ынтымақтастығын кеңейту, математика ғылымын дамытуға және математикада, ғылыми зерттеулерде, техника мен білім беруде ақпараттық технологиялардың жетістіктерін пайдалануға бағыттау болып табылады.

Отырысқа TWMS қоғамына қатысушы елдердің жетекші ғалымдары қатысады:

• Қырғызстаннан Борубаев Алтай Асылқанұлы, Қырғыз Республикасы ҰҒА математика институтының директоры, Қырғыз Республикасы ҰҒА академигі;
• Өзбекстаннан Самарқанд мемлекеттік университетінің ректоры, сенатор Халмурадов Рустам Ибрагимович, Түркі әлемі математикалық қоғамының (TWMS) вице-президенті, Өзбекстан ҰҒА академигі Әзімбай Садуллаев,; профессор Мирсаид Арипов, Өзбекстан математикалық қоғамының президенті, профессор Обиджон Зикиров, Самарқанд мемлекеттік университетінің кафедра меңгерушісі, профессор  Хужаеров Бахтиер ;
• Қазақстаннан Садыбеков Махмуд Әбдісаметұлы, математика және математикалық модельдеу институтының директоры, TWMS вице-президенті, Тулешов Амандық Қуатұлы, Ө.А. Жолдасбеков атындағы Механика және машинатану институтының ғылыми кеңесшісі, Темірбеков Нұрлан Мұханұлы, TWMS вице-президенті, Иманғалиев Ернар Иманғалиұлы, Ұлттық Инженерлік академияның Бас ғалым хатшысы ҚР, Жәкебаев Дәурен Бақытбекұлы, Халықаралық инженерлік-технологиялық университетінің президенті;
• Өзбекстаннан Алиев Фикрет, Баку мемлекеттік университетінің қолданбалы математика институтының директоры, TWMS вице-президенті, Пенахов Этибар, Баку университетінің профессоры, TWMS вице-президенті;
• Түркиядан: Махмут Иркут TWMS вице-президенті, Мұрат Тосун TWMS басқарма мүшесі.

Көшпелі отырыс TWMS Президенті, ҚР ҰҒА президенті, ҚР ҰҒА академигі Бақытжан Тұрсынұлы Жұмағұловтың баяндамасынан басталады.

Самарқанд мемлекеттік университетінің ректоры, сенатор Халмурадов Рустам Ибрагимович құттықтау сөз сөйлейді.

Содан кейін TWMS-ке қатысушы елдердің вице-президенттері математика мен қолданбалы математиканы дамыту туралы баяндамалар жасайды.

Математика және математикалық модельдеу институтының директоры Махмұд Әбдісаметұлы Сәдібеков қазақстандық математиктердің жарияланымдық белсенділігі және қазақстандық іргелі математиканың таяудағы кезеңдегі міндеттері тақырыбында баяндама жасайды.

Баку мемлекеттік университетінің Қолданбалы математика институтының директоры Алиев Фикрет келесі тақырыпта баяндама жасайды: TWMS ғылыми журналдарын әлемдік ғылымиметриялық базаларда дамыту.

TWMS Вице-президенті, профессор Темірбеков Нұрлан Мұханұлы келесі тақырыпқа баяндама жасайды: Математик-ғалымдардың инженерлері мен әртүрлі елдерден әзірлеушілерінің кең ауқымының тығыз қатысуымен интеграцияланған есептеу-ақпараттық ортаны құру.

Математика ғылымын дамытудың және оның компьютерлік мүмкіндіктермен және өндіріспен байланысын нығайтудың маңыздылығын бәрі біледі. Осы бағытты басшылыққа ала отырып, ғалымдар қойылған міндеттерді іске асыруда математика ғылымының рөлін арттыруға ерекше назар аударады.

Алдағы Самарқанд ғылыми форумы пікір алмасуға және математика ғылымы саласындағы соңғы жетістіктер туралы ақпарат алуға тамаша мүмкіндік береді.

Бұдан әрі Бағдарлама бойынша Самарқанд мемлекеттік университетінің жаңа ғылыми зертханаларына экскурсия жасалады.

Ш. Рашидов атындағы Самарқанд мемлекеттік университетінің студенттерімен және Самарқандтағы президенттік мектептердің бірінің оқушыларымен кездесу болады.

Қорытынды бөлімде TWMS басқармасының ұйымдастырушылық мәселелері және түркі әлемінің математиктері көтерген өзекті мәселелерді бірлесіп шешу үшін ғылыми бағдарламалар дайындау бойынша ұсыныстар талқыланады. Осындай халықаралық іс-шараны ұйымдастыру арқылы TWMS басқармасы математик-ғалымдар арасындағы ынтымақтастықты дамытуға және кеңейтуге үлкен күш жұмсайды.Түркі әлемі математиктері басқармасы (TWMS) мүшелерінің көшпелі отырысы туралы толық ақпаратты сайттан ала аласыз Түркі әлемі математикалық қоғамы басқармасының көшпелі отырысы